З мэтай развіцця навукова-даследчай дзейнасці як эфектыўнага фактара павышэння якасці адукацыі і ўсебаковага развіцця асобы навучэнцаў 5 – 6 снежня 2019 года ў Рэспубліканскім цэнтры экалогіі і краязнаўства прайшла рэспубліканская навукова-практычная канферэнцыя «Краязнаўчыя даследаванні як сродак далучэння навучэнцаў да пошукава-даследчай дзейнасці».
Больш за 25 тысяч навучэнцаў устаноў адукацыі далучана да краязнаўчага руху. На працягу года юныя краязнаўцы з усіх рэгіёнаў краіны ўдзельнічалі ў экспедыцыях, паходах і экскурсіях, адкрывалі і даследавалі новыя факты і знаходкі, звязаныя з гісторыяй, культурай, прыродай і эканомікай малой радзімы, працавалі ў архівах і музеях.

Падрыхтаваныя навучэнцамі матэрыялы прайшлі сур’ёзны адбор на раённых і абласных этапах. Больш за 70 работ было прадстаўлена на рэспубліканскі этап конкурсу «Скарбонка краязнаўчых знаходак». Па выніках ацэнкі журы адобрана 40 лепшых праектаў, якія былі абаронены навучэнцамі ў рамках канферэнцыі – адзначыла на ўрачыстым адкрыцці канферэнцыі Алена Уладзіміраўна Ануфровіч, дырэктар Рэспубліканскага цэнтра экалогіі і краязнаўства.

6 снежня адбылася ўрачыстая цэрымонія ўзнагароджання пераможцаў і прызёраў конкурсу. Словы ўдзячнасці за праведзеную даследчую работу навучэнцам і педагогам выказала Таццяна Васільеўна Драпакова, галоўны спецыяліст упраўлення сацыяльнай, выхаваўчай і ідэалагічнай работы Галоўнага ўпраўлення выхаваўчай работы і маладзёжнай палітыкі Міністэрства адукацыі Рэспублікі Беларусь.

Па выніках ацэнкі рэспубліканскага журы, у склад якога ўвайшлі прадстаўнікі Нацыяльнай акадэміі навук Беларусі, Беларускага дзяржаўнага ўніверсітэта культуры і мастацтваў, Рэспубліканскага цэнтра экалогіі і краязнаўства, пераможцы і прызёры былі вызначаны 31 пераможцы і прызёры конкурсу, у тым ліку навучэнцы Брэстчыны:
Дыпломамі II ступені Міністэрства адукацыі Рэспублікі Беларусь былі ўзнагароджаны:
Кужык Данііл, навучэнец ДУА «Гімназія г. Белаазёрска» Брэсцкай вобласці (кіраўнік Скарына Галіна Васільеўна).
Мазур Таццяна, навучэнка ДУА «Вучэбна-педагагічны комплекс Сеўрукоўская дзіцячы сад ‒ базавая школа Баранавіцкага раёна» Брэсцкай вобласці (кіраўнік Хіневіч Марына Рыгораўна).
Дыпломамі III ступені Міністэрства адукацыі Рэспублікі Беларусь былі ўзнагароджаны:
Забаўка Анастасія, навучэнка ДУА «Пелішчанская сярэдняя школа» Камянецкага раёна Брэсцкай вобласці (кіраўнік Арабейка Васіль Васільевіч).
Таварасьян Анастасія, навучэнка ДУА «Цешаўлянская сярэдняя школа» Баранавіцкага раёна Брэсцкай вобласці (кіраўнік Дубейка Васіль Міхайлавіч).
Цандо Ганна, навучэнка ДУА «Сярэдняя школа № 1 г. Камянца» Брэсцкай вобласці (кіраўнік Цандо Вольга Мікалаеўна).