21 лютага ў 14.10 ў актавай зале для навучэнцаў 3-8 класаў дзяржаўнай установы адукацыі “Маларыцкая раённая гімназія” адбудзецца літаратурна-пазнавальная гульня «Сябруй з роднай мовай», прымеркаваная да Дня роднай мовы.
Літаратурна-пазнавальная гульня «Сябруй з роднай мовай» пазнаёміць вучняў з гісторыяй святкавання Дня роднай мовы
Мэта правядзення гульні – фарміраваць у вучняў беражлівыя адносіны да роднай мовы, раскрываць прыгажосць і меладычнасць гучання беларускага слова, садзейнічаць развіццю творчага патэнцыялу вучняў, выхаванню ў іх цікавасці да роднай мовы, павагі да беларускага народа, беларускай культуры і мовы, пачуцця нацыянальнай годнасці.
У літаратурна-пазнавальнай гульні прымаюць удзел каманды вучняў 3-8 класаў у складзе 8 чалавек. На гульні прысутнічаюць настаўнікі і вучні класаў, якія складаюць групу падтрымкі. У падрыхтоўцы гульні прымаюць удзел настаўнікі беларускай мовы і вучні старэйшых класаў. Вядучымі гульні з’яўляюцца вучні 10-х классаў. Вядучыя знаёмяць удзельнікаў мерапрыемства з гісторыяй святкавання Дня роднай мовы і прапануюць адзначыць гэта свята, успамінаючы забаўлянкі, песні, загадкі, лічылкі. А узнагародай будзе папаўненне ведаў аб роднай мове, узбагачэнне нашага моўнага запасу.
Гульня складаецца з 3 заданняў, накіраваных на развіццё цікавасці да роднага слова, пашырэнне слоўнікавага запасу вучняў. Першае, што прапаноўваем ўдзельнікам – скарагаворкі. Для гэтага нам спатрэбіцца кніга пісьменніка Кастуся Жука “Бегемот без ботаў”. К. Жук – аўтар многіх кніг паэзіі для дарослых і дзяцей. І паспрабуем папрацаваць са скорагаворкамі. Другое заданне –“Загадкі са скрыначкі”. У гэтай скрыначцы прыхаваны цэлы стос загадак ад беларускіх пісьменнікаў і загадак, якія перадаюцца з пакалення ў пакаленне, так званых, народных. Трэцяе заданне – “Прыказкі і прымаўкі”. А ці ведаеце вы беларускія прыказкі і прымаўкі? Калі так, то вядучыя будуць па чарзе называць першую частку, а удзельнікі каманды – другую. У фінале гульні удзельнікі сустрэчы чытаюць верш “Калыханка”, які напісаў Генадзь Бураўкін. Кожная каманда чытае асобны сказ.
Мова, наша літаратура аб’ядноўваюць нас у адно грамадства. Разумныя людзі кажуць, што мову трэба любіць, як сваіх бацькоў, як сонца, як прыроду.
Пад час правядзення мерапрыемства актыўна выкарыстоўваецца кніжнуя выстава “Сябруй з роднай мовай”. Тут, побач з творамі класікаў беларускай літаратуры размешчаны творы сучасных айчынных пісьменікаў, а таксама творы вуснай народнай творчасці. У гэтых кнігах удзельнікі сустрэчы знойдуць вершы, апавяданні, казкі, загадкі, прыпеўкі, калыханкі, гульні, прымаўкі, прыказкі на роднай пявучай беларускай мове.
Пераможцаў гульні віншуюць настаўнікі беларускай мовы.
Месца правядзення: Брэсцкая воблась, г. Маларыта, вул. Паркавая,10, актавая зала ДУА “Маларыцкая раённая гімназія”
Удзельнікі: вучні 3-4, 5-7, 8-9 класаў, настаўнікі, вучні 10-х класаў
Арганізатары: ДУА “Маларыцкая раённая гімназія” http://gymn.malorita.edu.by/
Мерапрыемства закрытае.
Кантакты каардынатара: Асіпук Наталля Андрэеўна, настаўнік беларускай мовы і літаратуры вышэйшай катэгорыі, намеснік дырэктара па выхаваўчай рабоце дзяржаўнай ўстановы адукацыі "Маларыцкая раённая гімназія" т. +375298264132
Мерапрыемства очнае, трансліравацца не будзе.