30 – 31 кастрычніка 2018 года на базе Рэспубліканскага цэнтра экалогіі і краязнаўства ў г.Мінску адбыўся рэспубліканскі семінар-практыкум “Арганізацыя дзейнасці музея ўстановы адукацыі” для педагагічных работнікаў устаноў адукацыі Брэсцкай вобласці. Усяго ў ім прыняло ўдзел 29 педагагічных работнікаў Брэстчыны, сярод іх кіраўнікі музеяў устаноў агульнай сярэдняй і прафесійна тэхнічнай адукацыі, супрацоўнікі ўстаноў дадатковай адукацыі дзяцей і моладзі з большасці рэгіёнаў Брэстчыны. Найбольшую актыўнасць праявілі педагогі Кобрыншчыны, Бярозаўшчыны, г.Баранавічы і Баранавіцкага раёна, Маларыцкага раёна.

Падчас семінара-практыкума былі разгледжаны пытанні:

- нарматыўна прававога забяспечэнне дзейнасці музея ўстановы адукацыі;

- камплектавання музейных фондаў і уліку музейных прадметаў і навукова-дапаможных матэрыялаў;

- патрабаванні да ўліковай дакументацыі музеяў устаноў адукацыі;

- каталагізацыі і рэестра музеяў;

- экспазіцыйна-выставачнай дзейнасці музея;

- правы і абавязкі суб’ектаў адукацыйных адносін;

- каардынацыі дзейнасці музеяў ўстаноў адукацыі;

- прысваення музею статуса «народны»;

- адукацыйнай дзейнасці музеяў ўстаноў адукацыі.

Для ўдзельнікаў семінара-практыкума выступалі супрацоўнікі Рэспубліканскага цэнтра экалогіі і краязнаўства, Нацыянальнага гістарычнага музея Рэспублікі Беларусь, Беларускага дзяржаўнага ўніверсітэта культуры і мастацтваў.

Свае напрацоўкі, а таксама пуці вырашэння прблемных пытанняў ў дзейнасці музеяў ўстаноў адукацыі прапанавалі і педагогі Брэстчыны: Скарына Г.В. (г.Белаазерск), Шавель Н.М., Копцюх В.М. (Баранавічы), Зезюкоў В.М. (г.Маларыта), Іванковіч М.А. (“УА “Баранавіцкі дзяржаўны прафесійны ліцэй машынабудавання”), Строкач А.П. (Брэсцкі абласны цэнтр турызму і краязнаўства дзяцей і моладзі”), Гадун Н.П. (Брэсцкі раён), Дзенісеня Т.І. (Ганцавіцкі раён) і іншыя.

Нагадваем, што нарматыўныя прававыя дакументы, метадычныя рэкамендацыі і іншыя дапаможныя матэрыялы, неабходныя для арганізацыі дзейнасці музеяў устаноў адукацыі, змяшчаюцца на наступных сайтах: http://rctkum.by/divisionstext/музеи_уо; bresttur.by; brestkraeved.blogspot.com