15 лістапада 2018 года ў горадзе Нясвіжы Мінскай вобласці арганізаваны рэспубліканскі семінар кіраўнікоў музеяў устаноў адукацыі «Выкарыстанне адукацыйнай прасторы музея для грамадзянскага і патрыятычнага выхавання дзяцей і моладзі: вопыт і перспектывы».

Арганізатарамі семінара выступілі Міністэрства адукацыі Рэспублікі Беларусь, Рэспубліканскі цэнтр экалогіі і краязнаўства сумесна з галоўным упраўленнем па адукацыі Мінаблвыканкама, Мінскім абласным інстытутам развіцця адукацыі і ўпраўленнем адукацыі, спорту і турызму Нясвіжскага райвыканкама.

Падчас правядзення рэспубліканскага семінара яго ўдзельнікі пазнаёміліся з рэгіянальным вопытам музейнай дзейнасці, заслухалі выступленні навукоўцаў і кіраўнікоў музеяў па пытаннях выкарыстання рэгіянальнай адукацыйнай прасторы для грамадзянска-патрыятычнага выхавання моладзі, разгледзелі шляхі ўзаемадзеяння музеяў устаноў адукацыі з дзяржаўнымі музеямі сістэмы Міністэрства культуры.

У рамках праграмы рэспубліканскага семінара адбылося знаёмства з вопытам музейнай дзейнасці ўстаноў адукацыі Мінскай вобласці. Удзельнікам семінара прэзентаваны: інтэрактыўныя формы работы з наведвальнікамі музея УА «Нясвіжскі дзяржаўны каледж імя Якуба Коласа», адукацыйныя праграмы па далучэнні дзяцей і моладзі да пазнання гісторыі і культуры краю ДУДА «Цэнтр дзіцячай творчасці Нясвіжскага раёна», панарама музейнага вопыту “Малая радзіма вялікіх людзей” - стэндавыя экспазіцыі музеяў устаноў адукацыі Мінскай вобласці.

Акрамя таго, удзельнікі семінара пазнаёміліся з экспазіцыйнай дзейнасцю ДУ «Нацыянальны гісторыка-культурны музей-запаведнік «Нясвіж» і Гарадской ратушы.

Удзельнікі семінара ад Брэсцкай вобласці:

Строкач Аляксандр Пятровіч, загадчык аддзела краязнаўства дзяржаўнай ўстановы адукацыі “Брэсцкі абласны цэнтр турызму і краязнаўства дзяцей і моладзі”

Скарына Ігар Васільевіч, намеснік дырэктара ўстановы адукацыі “Івацэвіцкі дзяржаўны прафесійны ліцэй сельскагаспадарчай вытворчасці”, кіраўнік музея;

Бялевіч Наталля Яўгенаўна, настаўнік гісторыі дзяржаўнай ўстановы адукацыі “Косаўская сярэдняя школа” Івацэвіцкага раёна”, кіраўнік музея;

Дубейка Ірына Іосіфаўна, настаўнік гісторыі дзяржаўнай ўстановы адукацыі “Жамчужненская сярэдняя школа” Баранавіцкага раёна”, кіраўнік музейнай экспазіцыі;

Поркіна Данута Ўладзіміраўна, педагог-арганізатар дзяржаўнай ўстановы адукацыі “Сярэдняя школа №18 г.Баранавічы”, кіраўнік музея;

Скрыпнік Наталля Ўладзіміраўна, метадыст дзяржаўнай ўстановы адукацыі “Цэнтр дадатковай адукацыі дзяцей і моладзі г.Ляхавічы”.